Ligji për auditimin ligjor, organizimin e profesionit të ekspertit kontabël të regjistruar dhe të kontabilistit të miratuar (Ligji nr. 10091, datë 5 mars 2009, i ndryshuar me Ligjin nr. 47/2016 në përputhje me Direktivën 2006/43/KE) u kërkon firmave që auditojnë entitete me interes publik të publikojnë raporte vjetore transparence.
Çdo raport paraqet strukturën tonë ligjore dhe aksionarët, marrëdhëniet ligjore dhe strukturore me rrjetin, qeverisjen, sistemin e brendshëm të kontrollit të cilësisë që ndjekim, rishikimin e fundit të sigurimit të cilësisë nga IEKA, entitetet me interes publik për të cilat kemi kryer auditime ligjore, praktikat tona të pavarësisë, politikën e edukimit të vazhdueshëm, informacion financiar mbi gjendjen tonë financiare dhe bazën e shpërblimit të audituesve tanë ligjorë.