Ju ndihmojmë me rutinat dhe përgjegjësitë e drejtimit të kompanisë suaj, të menaxhimit të biznesit dhe të financave të tij, që ju të keni kohë për atë që bëni më mirë.
Shërbimet tona të përditshme përfshijnë mbajtjen e kontabilitetit, kontabilitetin menaxherial, listëpagesat dhe përgatitjen e pasqyrave financiare ligjore. Krenohemi me mbështetjen e besueshme dhe të përgjegjshme që ofrojmë, pavarësisht madhësisë dhe kompleksitetit të biznesit tuaj.
Mbajtje e kontabilitetit
Marrim përsipër funksionin e kontabilitetit, duke siguruar që regjistrat kontabël të mbahen siç duhet dhe që ju të keni raportim të rregullt e të përditësuar.
- Mbajtja e regjistrave kontabël të kompjuterizuar
- Rakordime bankare
- Rakordime të debitorëve dhe kreditorëve
- Buxhete dhe raporte për monitorimin e realizimit kundrejt buxhetit
- Mbikëqyrje e departamenteve të kontabilitetit
Kontabilitet menaxherial
I vendosim shifrat tuaja në perspektivë dhe diskutojmë me ju çfarë tregojnë realisht llogaritë menaxheriale për gjendjen e biznesit tuaj.
- Llogari menaxheriale mujore, tremujore dhe vjetore dhe raporte të tjera menaxheriale
- Llogari dhe raporte menaxheriale të konsoliduara mujore, tremujore dhe vjetore
- Pasqyra financiare të ndërmjetme, individuale ose të konsoliduara, sipas IFRS
Listëpagesat
- Llogaritja e pagave dhe raporte për çdo punonjës: paga bruto, përfitime dhe shtesa të tjera, kontributet e sigurimeve shoqërore, tatimi mbi të ardhurat personale dhe shuma neto për pagesë
- Njoftimi i autoriteteve vendore për ndryshimet e punonjësve, si punonjësit e rinj dhe ata që largohen
- Fletëpagesa mujore për çdo punonjës
- Raporte të transfertave bankare për pagesën e pagave neto
- Përgatitja dhe dorëzimi i raporteve në administratën tatimore
- Asistencë për pagesën tek autoritetet të kontributeve të sigurimeve shoqërore dhe të tjera, si dhe të tatimit mbi të ardhurat personale
Shërbime IFRS
Pasqyrat financiare duhet të japin informacion të dobishëm jo vetëm për aksionarët, por edhe për investitorët e mundshëm, huadhënësit dhe kreditorët e tjerë që vendosin nëse do t’i sigurojnë burime njësisë ekonomike.
Përgatitje sipas IFRS
Pasqyra financiare sipas IFRS në përputhje me të gjitha standardet dhe interpretimet e nxjerra nga IASB, përfshirë çdo kërkesë për shpalosje.
Konvertim në IFRS
Konvertimi në IFRS i pasqyrave të përgatitura sipas një kuadri tjetër raportimi.
Trajnime IFRS
Kurse të hartuara për nevojat tuaja specifike, për standarde të veçanta ose për ndryshimet në to.
Konsulencë IFRS
Këshillim i vazhdueshëm ose sipas nevojës për adoptimin e një standardi të ri ose interpretimin e një dispozite.
Udhëzues
Kalendari tatimor shqiptar
Afatet mujore, tremujore dhe vjetore të deklarimit.
Punësimi i njerëzve në Shqipëri
Kontratat, lejet, afatet e njoftimit dhe kontributet shoqërore.
